Այս տարի Popok գովազդի միջազգային 3-րդ փառատոնն անցկացվելու է հոկտեմբերի 25-27-ը:
Փառատոնի շրջանակներումքննարկվելու են Երևան քաղաքի արտաքին ձևավորման հայեցակարգի մշակմանն ուղղված հարցեր, նաև՝ քաղաքի բրենդավորման հետ կապված հարցեր:Փառատոնն իրականացվում է Երևանի քաղաքապետարանի և Հայաստանյան գովազդային հանրության նախաձեռնությամբ: Փառատոնը կանցկացվի Հայ-ռուսական (Սլավոնական) համալսարանում:
Երևանի քաղաքապետարանի աշխատակազմիարտաքինձևավորման ևգովազդի վարչությանպետ ԱրազԲաղդասարյանը նշեց, որ փառատոնի շրջանակներում Հայաստան կժամանեն աշխարհի 15
երկրներից մարդիկ, ովքեր տարբեր երկրներում կատարել են նման աշխատանքներ, ինչը հնարավորություն կտա նրանցհետ քննարկելու քաղաքի արտաքին տեսքի հետ կապված հարցեր:
Նա նշեց, որ երկու խնդիր է դրվում. նախ փառատոնի ընթացքում կքննարկեն և կմշակեն գովազդային հայեցակարգը, բացի այդ, քաղաքի արտաքին ձևավորման հետ կապված հայեցակարգի խնդիրներ են առաջադրելու:
Փառատոնի նախագահ Արմեն Մարտիրոսյանը նշեց, որ այս տարի Popok գովազդային փառատոնըՀայաստանում առաջին անգամմի առանձնահատկություն է կիրառելու։Չէին կարող անտեսել, որ այս տարի Երևանը գրքի մայրաքաղաք է հռչակված, և միջոցառում չընդգրկել. փառատոնի շրջանակներումառաջին անգամ կլինի «Գիրք» անվանակարգ, բացի այդ՝ կլինի գրաֆիկական դիզայն, ռադիո և հեռուսատագովազդ, թվային և նոր գովազդակիրներ, մարքեթինգային արշավ և այլն:
Արմեն Մարտիրոսյանը տվեց նաև փառատոնի անվան` POPOk-ի հետ կապված պարզաբանում. ընկույզը կոտրված վիճակում հիշեցնումէ մարդու ուղեղ, որտեղ էլ ծնվում են այն հետաքրքիր մտքերը , որոնք հետո վերածվում են գովազդի:
Փառատոնը ունի երեք նպատակ.առաջին` կրթել, դրա վկայությունը վարպետության դասերն են, երկրորդ` գովազդային գործակալությունները կարողանան աշխարհում մրցել, որպեսզի մեր գովազդը լինի աշխարհին համընթաց, բլոկադայինց դուրս գանք և երրորդ` հին կապերի ամրապնդումն է և և նոր կապերի հաստատումը:
POPOK-ը միայն գովազադային փառատոն չէ, այն իր մեջ ներառում է քաղաքի ձևավորման հարցեր։
Երևանի գլխավոր դիզայներ Գագա Ամատունու խոսքով, փառատոնը շատ լավ առիթ էդիզայներների, մարդկանց համար, ովքեր մտահոգված են քաղաքի տեսքով, որ կարողանան քննարկումներ, կլոր սեղաններ կազմակերպել: Նա կոչ արեց դիզայներներին առավել ակտիվություն ցուցաբերել, մասնակցել քննարկումներին:
Արմեն Մարտիրոսյանը նաև նշեց, որ աստիճանաբար մեր գովազդներն ավելի հետաքրքիր են դառնում, աստիճանաբար գովազդը թանկանում է, միջազգային փորձը ընդունելով` մենք ավելի արագ կարող ենք զարգանալ և հասնել միջազգային ստանդարտներին:
Արմեն Մարտիրոսյանն ամենաշատը կարևորում է գովազդի` օրենքի տառին համապատասխանեցումը: