Մադոննայի վերջին շոուն Կոլորադոյում հարուցել է նրա երկրպագուների վրդովմունքը: 54-ամյա երգչուհին իր ելույթի ժամանակ խաղալիք զենք է օգտագործել, որով փորձել է սպանել զինված դիմակավոր մարդուն, և այդ ամենը տեղի է ունեցել հսկայական «արյունաշաղախ» էկրանի ֆոնին, փոխանցում է «Ռաութը»: Մադոննան այս տեսարանը Gang Bang երգի կատարման ժամանակ այլ երկրներում ևս ցուցադրել է:
Ելույթի ականատեսների խոսքով` երգի խոսքերում հնչել են այնպիսի բառեր, ինչպես` «Կոլորադո», «Ավրորա» և «կրակոց»: Սրան ի պատասխան` հանդիսատեսներից շատերը լքել են դահլիճը:
Մադոննայի մամլո գործակալի խոսքով` ելույթից այդ տեսարանը հանել հնարավոր չի եղել, քանի որ այն դրա հիմնական մասն է եղել:
