РИА Новости-ին տված հարցազրույցի ժամանակ Վրաստանի խորհրդարանի նոր նախագահ, «Հանրապետական» կուսակցության առաջնորդ Դավիթ Ուսուպաշվիլին անդրադարձել է ռուս-վրացական հարաբերությունների կարգավորման խնդրին.
«Վրաստանը պետք է դադարի Ռուսաստանին քննադատելուց և խնդիրներ չստեղծի նրա հետ հարաբերություններում: Մենք չպետք է նոր խնդիրներ ստեղծենք, առանց այդ էլ դրանք քիչ չեն: Այդ պատճառով էլ պետք չէ քննադատել ոչ մեկին, որպեսզի ստանաս երկօրյա զգացմունքային հաճույք և ստեղծես երկամյա խնդիրներ: Մենք պետք է հրաժարվենք «ոչ ժողովրդավար Ռուսաստանին» մերկացնելու դերից:
Նոր իշխող դաշինքը դեռ չունի Ռուսաստանի հետ հարաբերությունների կարգավորման «ճանապարհային քարտեզ», սակայն ունի պատկերացում, թե ինչպես անել դա: Դա երկար ճանապարհ է, հապճեպ ոչ մի բան չի լինի: Վրաստանը նախկինի նման պետք է ջանքեր գործադրի ՆԱՏՕ-ին ու ԵՄ-ին անդամակցելու ուղղությամբ, սակայն դա չպետք է այնպես անել, իբր դրանով մենք հաղթեցինք Ռուսաստանին, այլ այնպես, որ Ռուսաստանն ու ռուսաստանցիները հասկանան, որ դա կորուստ չէ իրենց համար, այլ պատմական տրամաբանական գործընթաց է»:
