Այսօր ներկայացնում ենք Մարիա Շարապովայի ավտոմեքենաները: Գաղտնիք չէ, որ ուժն ու կարողությունները հասու են ոչ բոլորին, սակայն ռուս թենիսիստուհու ավտոտնակը լի է նման հատկանիշներ ունեցող ավտոմեքենաներով:
Մարիա Շարապովան, ավտոմեքենաների մեծ սիրահար լինելով, շատ հաճախ հանրությանն է ներկայանում Land Rover-ի արտադրության մեքենաներով: Land Rover Freelander 2-ը Շարապովան ձեռք բերեց 2006 թվականին: Այդ ժամանակ նա պայմանագիր կնքեց նաև Land Rover ընկերության հետ՝ դառնալով վերջինիս պաշտոնական ներկայացուցիչը Հյուսիսային Ամերիկայում:
«15 տարեկան էի, երբ առաջին անգամ տեսա Land Rover: Այդ մակնիշի մեքենաներն ինձ առանձնակիորեն գրավեցին: Այդ օրվանից սկսած, կարելի է ասել, այդ մեքենաների սիրահարն եմ: Դիզայնն ինձ շատ է դուր գալիս: Հատկապես շատ եմ հավանում Freelander 2-ը»,- ասել է Շարապովան:
Մարիան նաև նշել է, որ մեքենան առհասարակ շատ կարևոր նշանակություն ունի: Այն պետք է իր տեղն ունենա ավտոտնակում: Պետք է տարբերել մեքենաների ոճերը:
«Ուզում եմ հավաստիացնել, որ ձնածածկ տարածքներ հանգիստ կարող ես Land Rover-ով գնալ. ինքս փորձել եմ: Երբեմն ինձ տեսնում էին ու ասում. «Հավանաբար այս մեքենան հայրդ է գնել», իսկ ես միշտ պատասխանում էի. «Ոˊչ, ես ինքս եմ ձեռք բերել»»:
Շարապովան իր ավտոտնակը վերջերս համալրել է գերմեքենայով՝ Porsche 911 Carrera S:
Շարապովան իր ավտոտնակում ունի նաև այսպիսի ավտոմեքենա՝ TAG Heuer Tesla Roadster:
Իսկ ահա 2008 թվականին Մարիան դարձավ Harley-Davidson Night Rod-ի երջանիկ սեփականատերը:
