Ամերիկացի գիտնականները պարզել են, թե ինչու է ուղիղ տեսողական շփման ժամանակ առաջանում առանձնահատուկ կապի զգացում: Նրանց խոսքով՝ դա հանգեցնում է ուղեղի ամիգդալա հատվածում, որը պատասխանատու է հույզերի և սոցիալական փոխհամագործակցության համար, որոշակի բջիջների արթնացման:
Խոսքը նոր տեսակի նեյրոնների մասին է, որոնք հայտանբերվել են մակակա ռեզուսների մոտ: Այս մասին գրում է New Scientist-ը: Եթե դրանց առկայությունը հաստատվի նաև մարդկանց մոտ, ապա հետազոտողները կկարողանան պարզել որոշ մարդկանց մոտ աուտիզմի և շիզոֆրենիայի զարգացման պատճառը:
Արիզոնայի համալսարանի պրոֆեսոր Կատալին Գոտարդը իր գործընկերների հետ փորձ է անցկացրել: Նա 7 էլեկտրոդ է տեղադրել կապիկների ուղեղի նշված հատվածում: Դա թույլ է տվել հետևել առանձին նեյրոնների ակտիվությանն այն ժամանակ, երբ նրանք դիտել են այլ մակակաների մասնակցությամբ տեսագրություն:
151 հայտնաբերված նեյրոններից 23-ը միացել են միայն այն ժամանակ, երբ կենդանիները տեսանյությում նայել են մակակաների աչքերի մեջ:
Ներկայում հետազոտողեները փորձում են ստեղծել դեղանյութեր, որոնց միջոցով հնարավոր կլինի ազդել այդ բջիջների ակտիվացման վրա: Դա կնպաստի սոցիալական կապերի բարելավմանը:
