РИА Новости-ի փոխանցմամբ՝ Թուրքիայի իշխանությունները ճանաչում են Մոսկվա-Դամասկոս չվերթ կատարած ինքնաթիռից առգրավված բեռի լեգիտիմությունը, սակայն առարկություններ ունեն՝ կապված դրա ձևակերպման հետ: Այս մասին այսօր հայտարարել է Ռուսաստանի ԱԳՆ-ի պաշտոնական ներկայացուցիչ Ալեքսանդր Լուկաշևիչը.
«Սկզբունքորեն թուրքական կողմը կասկածի տակ չի դնում առգրավված բեռան լեգիտիմությունը, սակայն առարկություններ ունի դրա փոխադրման մասին ծանուցման վերաբերյալ: Ներկայումս թուրք գործընկերներն այլևս չեն հայտարարում ինքնաթիռում զինամթերքի գտնվելու մասին, ինչպես որ հայտարարվում էր առաջին փուլում:
Թուրքական կողմը նաև ցավում է ինքնաթիռում ռուս քաղաքացիներին պահելու և ռուս դիվանագետների հետ նրանց հանդիպումը չթույլատրելու համար: Այդ ամենը բացատրվում է ոչ հաստիքային իրավիճակով, ուղևորների քաղաքացիության մասին տեղեկատվության ուշ ստացմամբ և թռիչքին ինքնաթիռի հետագա նախապատրաստությամբ:
Միևնույն ժամանակ, ինքնաթիռում գտնված քաղաքացիների վկայությամբ, նրանց նկատմամբ կոշտ վերաբերմունք են ցուցաբերել թուրքական իրավապահ մարմինների ներկայացուցիչները: Անգամ ֆիզիկական ուժ է գործադրվել անձնակազմի անդամների վրա: Մոսկվան թուրքական իշխանություններից պահանջելու է հետազոտել միջադեպի բոլոր մանրամասները և պարզաբանումներ տալ: Մոսկվան նաև ակնկալում է Թուրքիայի կողմից ինքնաթիռից առգրավված բեռան վերադարձ»:
