1847թ. այս օրը Ռումինիայի Եղիսաբեթուպոլիս քաղաքում (այժմ` Դումբրվեն) ծնվեց հայազգի պատմաբան, հայագետ Ավետիք Լուկաչը (Ավետիքյան Ղուկաս):
1870-1877թթ. ուսուցչություն է արել տեղի հայկական դպրոցում, մինչև 1891-ը եղել է նախակրթարանի տնօրեն: 1878թ. ընտրվել է Եղիսաբեթուպոլսի հայ ժողովրդապետ: Նույն քաղաքում հիմնել է արվեստների վարժարան:
Հունգարերեն լեզվով գրել է հայագիտական աշխատություններ՝ «Հայոց պատմություն» (1877), «Հայ գիտական ակադեմիա» (1883), «Եղիսաբեթուպոլիս քաղաքի իրավունքներն ու պարտավորությունները» (1891), «Քրիստոնեության մուտքը հայոց մոտ» (1904) ևն:
Ավետիք Լուկաչը բազմաթիվ հոդվածներ է հրապարակել Գեռլայի (Հունգարիա) «Արմենիա» ամսագրում: Արժանացել է ասպետական կարգի շքանշանի:
Բուդապեշտի փողոցներից մեկը կոչվել է Ավետիք (Ավետիքյան) գերդաստանի անունով: Վախճանվել է 1909թ. Եղիսաբեթուպոլիսում:
