Վրացական GHN լրատվական գործակալության փոխանցմամբ՝ Վրաստանում ԱՄՆ դեսպան Ռիչարդ Նորլանդը Թբիլիսիում լրագրողների հետ ունեցած զրույցում համոզվածություն է հայտնել, որ խորհրդարանական ընտրություններից հետո Վրաստանը գտնվում է լավ ձեռքերում.
«2012 թվականի հոկտեմբերը Վրաստանի համար դարձավ դրամատիկական ու կարևոր փոփոխությունների շրջան, քանի որ անցկացվեցին մրցունակ ընտրություններ, ձևավորվելու է նոր կառավարություն, որը շուտով լիազորությունները կվերցնի իր ձեռքը:
Նախագահ Միխեիլ Սաակաշվիլին ցուցաբերել է պետական ու քաղաքացիական գործչի իմաստություն: Ես համոզված եմ, որ իշխանության հանձնման գործընթացը կշարունակվի պրոֆեսիոնալ մակարդակով:
Բախտը ժպտացել է Վրաստանին, որ նա ունի այդ տրամաչափի հայրենասերներ, որոնք պատրաստ են, հաղթահարելով իրենց տարակարծությունները, գործել՝ ելնելով Վրաստանի շահերից: Մենք վստահ ենք, որ Վրաստանը շատ լավ ձեռքերում է»:
