Ավագ սերնդի ներկայացուցիչները հիշում են, թե ինչ ճոխությամբ էր նշվում կանանց միջազգային տոնը Խորհրդային միությունում` «Գոլուբոյ օգոնյոկներ», ցույցեր, երթեր, երեկույթներ, կոմունիստական կուսակցության երկար և անիմաստ ճառեր ու մաղթանքներ:
Իրականում «մարտի ութերը» սկսվել են Միացյալ Նահանգներում, որտեղ կանայք պարբերաբար դուրս էին գալիս բողոքի ակցիաների: Այնուհետև այն խորհրդայնացվեց, կապվեց Կլարա Ցետկինայի անվան հետ, որը Երկրորդ Ինտերնացիոնալի 8-րդ կոնգրեսի ժամանակ առաջարկեց այն նշել որպես կանաց միջազգային օր:
Խորհրդային միությունում այն պաշտոնապես նշվում է 1966 թվականից: 1965 թ. մայիսի 8-ին ԽՍՀՄ գերագույն խորհրդի նախագահությունը որոշում ընդունեց այն դարձնել պետական տոն և ոչ աշխատանքային օր: Դրանից հետո այն կորցրեց քաղաքական երանգավորումը, ինչպես նաև կանանց իրավունքների պայքարի նշանակությունը:
Կարծիքներ կան, որ դա սովետական իշխանության նպատակաուղղված քաղաքականության արդյունքն էր:
