«Ռեդ Բուլ»-ի ներկայացուցիչ, «Ֆորմուլա-1»-ի կրկնակի չեմպիոն գերմանացի Սեբաստիան Ֆետելը խոսել է իր հայրենակից Միխայել Շումախերի կայացրած որոշման մասին: Նախկինում հաղորդել էինք, որ Շումախերը 2012 մրցաշրջանի ավարտից հետո որոշել է ընդմիշտ հեռանալ մրցաշարից:
«Շումախերի հեռանալը մեծ կորուստ կլինի «Ֆորմուլա-1»-ի համար: Ցավում եմ, որ այսպես է ստացվում: Շատ մարդիկ, այդ թվում նաև ես, կցանկանային, որ Միխայելը շարունակեր իր կարիերան: Հուսով եմ՝ ավարտելով ելույթները՝ Միխայելը կմնա մրցաշարում՝ թեկուզ այլ դեր կատարելով: Հաճելի կլինի ժամանակ առ ժամանակ տեսնել նրան»,- Autosport-ը փոխանցում է Ֆետելի խոսքերը: