«Թեղուտի տարածքում արդեն ձուկ չկա: Այն բազում գետակները, որ գալիս լցվում էին Շնող, ապա Դեբեդ, հարյուրավոր տարիներ սնում էին մարդկանց։ Հինգ տեսակի ձուկ կարայդ գետակներում, բայց այսօր արդեն այդ ձուկը չկա այնտեղ»,- այսօր նման ահազանգ հնչեցրեց Հայաստանի Կանաչների միության նախագահ Հակոբ Սանասարյանը:
Նրա խոսքերով, Թեղուտի հանքավայրում 600 մետրանոց խոռոչ է առաջանալու, որի հետևանքով առաջացած փոշու պատճառով հարևան բուսականությունը, ջրային, կենդանական պաշարները կորցնելու ենք:
«Հայաստանում բազմաթիվ հանքավայրերի նախագծերում կեղծիք, գերհաշվարկ, վնասի նվազեցում կա: Օրինակ՝ Թեղուտի նախագծում 1քմ հողի գինը սահմանվել է 0.8 դրամ»,- ասաց Հ. Սանասարյանը:
Նրա խոսքով, բազում կետեր կան, որոնց վրա հենվելով՝ «Վալեքս Գրուպի» հետ պայմանագիրը կարելի է խզել: 2005-2006 թթ. դրանք հրապարկվել են, սակայն առ այսօր, բացի թատերական բեմականացումից, ոչ մի գործնական քայլ չի արվել: Դատախազությունը պետք է մասնագետներ ուղարկեր, տեխզննում անեին, սակայն ոչինչ չի արվել. «Պետությունը քանդող ծրագիրը հովանավորվում է պետության պաշտոնյաների կողմից»:
Նշենք, որ Թեղուտի հարակից տարածքների բնակավայրերի գյուղացիներն ասում են, որ Թեղուտի սեփականատերը կամ առնվազն համասեփականատերը Սերժ Սարգսյանն է:
