ՀՀԿ-ն որևէ քաղաքական ուժի, մանավանդ` ԲՀԿ-ի հետ չի հակադրվի, քանի որ նրա հետ միասնական ճանապարհ է անցել և սրանից 6-7 ամիս առաջ նույն երգն էր երգում: Այս մասին ԱԺ-ում այսօր հայտարարեց ՀՀԿ փոխնախագահ Գալուստ Սահակյանը՝ հավելելով, որ հիմա էլ երկու ուժերի հարաբերություններում ոչ մի բան չի փոխվել:
Անդրադառնալով ԲՀԿ պատգամավոր Վարդան Օսկանյանին անձեռնմխելիությունից զրկելու ՀՀ գլխավոր դատախազի միջնորդությանը` Գալուստ Սահակյանը նկատեց, որ ԱԺ-ն դատարան չէ, որտեղ ոմանք կմեղադրեն նրա, իսկ նա էլ իր հերթին կարդարանա:
«Մենք պետք է հնարավորություն տանք Օսկանյանին, որպեսզի նա հանրության և մեր առջև ապացուցի իր անմեղությունը: Մենք իրավունք չունենք մտածելու՝ որ կողմն է ճիշտ, որը՝ սխալ: Պետք է հավատանք և պրն Օսկանյանին, և Աղվան Հովսեփյանի միջնորդությանը: Կրկնում եմ` սա դատախազություն չէ. այս հարցը պետք է այլ տեղ լուծվի»,- ասաց ՀՀԿ փոխնախագահը՝ հավելելով, որ իրենք կքվեարկեն «այն տոնայնությամբ, ինչ տոնայնությամբ որ ինքը խոսեց»:
