ԱՄՆ զինվորականին, որին մեղադրում են WikiLeaks կայքին ԱՄՆ գաղտնի փաստաթղթեր փոխանցելու մեջ, առաջադրվել է 22 նոր մեղադրանք: Շարքային Բրեդլի Մենինգին մասնավորապես մեղադրում են անօրինական ծրագրային ապահովում օգտագործելու համար, որի արդյունքում նրան հաջողվել է ստանալ գաղտնի տեղեկություններ: Այս մասին հաղորդում է Associated Press գործակալությունը:
Մեղադրող կողմը ցանկանում է ցմահ ազատազրկության մեղադրանք ներկայացնել շարքայինին, քանի որ նրան հիմնականում մեղադրում են պետական դավաճանության մեջ: Դատավարությունը նախնական նշանակված է 2011թ. հուլիսին:
Հիշեցնենք, որ Մենինգը ձերբակալվել էր այն բանից հետո, երբ ինտերնետում հայտնվել էր մի տեսանյութ, ուր հստակ երևում է, թե ինչպես է ԱՄՆ ռազմաօդային ուժերի ուղղաթիռը գնդակահարում իրաքցի խաղաղ բնակչությանը: Դրանից հետո նրան նաև մեղադրանք է առաջադրվել ավելի քան 250 հազար դիվանագիտական գաղտնի փաստաթղթեր Wikileaks-ին փոխանցելու համար:
