Կատալոնիայի կառավարության ղեկավար Արթուր Մասը ելույթ ունենալով տեղի խորհրդարանում, հայտարարել է, որ ինքնավար ընկերակցության համար առավել ընդունելի կլիներ Եվրամիության կազմում նահանգի կարգավիճակը:
«Ես ենթադրում եմ, որ մեզ համար առավել համապատասխանում է ամերիկյան մոդելը, երբ Կատալոնիան օգտվեր ԱՄՆ նահանգների բոլոր իրավունքներից դաշնության կազմում, մեր դեպքում դա Եվրամիությունն է»,- ասել է Արթուր Մասը:
Նրա կարծիքով՝ Կատալոնիան ձգտում է հասնել եվրոպական ազգային կարգավիճակի այնպիսի լիազորություններով, ինչպիսիք ունեն Դանիան, Սլովենիան, Ֆինլանդիան, Էստոնիան, Լիտվան և Լատվիան:
«Իսպանիայի կազմում Կատալոնիան միայն ինքնավար ընկերակցություն է, սակայն կատալոնացիները ցանկանում են ինքնուրույնություն և անկախություն, ինչի մասին հայտարարվել է սեպտեմբերի 11-ին Բարսելոնայում անցկացված հանուն անկախության ցույցին»,- ասել է Մասը:
Կատալոնիայի կառավարության ղեկավարը կարծում է, որ վերջնական որոշումը պետք է ընդունի ժողովուրդը, որը նոյեմբերի 25-ի արտահերթ ընտրություններում պետք է քվեարկի ինքնավարության ապագայի հարմար:
