Վրաստանի նախագահ Միխեիլ Սաակաշվիլին հայտարարել է, որ Գոգա Խաինդրավան դեռ մայիսին էր հայտարարել. «Մենք նրանց ցախավել ցույց կտանք»: Այս մասին հայտարարել է Միխեիլ Սաակաշվիլին Բաթումում բնակիչների հետ հանդիպման ժամանակ:
«Բռնությունն այստեղ կյանքի մաս էր կազմում, այդ պատճառով էլ մարդիկ մեզ մոտ ավելի զգայուն են ամեն ինչի նկատմամբ: Ես այդպես եմ մեծացել: Իմ շրջապատում միշտ խոսել են փողոցային բարբառով, և ծիծաղում էին այն ամենի վրա, ինչ ես էի անում:
Այն ամենը, ինչ տեղի է ունեցել Գլդանում, տեղի էր ունենում ամբողջ Վրաստանում, բոլոր բակերում և շրջաններում: Այդ պատճառով եմ հարցնում՝ ո՞վ ավելի լավ գործը մինչև վերջ կհասցնի՝ Գիորգի Տուգուշի՞ն, Էկա Զգուլաձե՞ն, Ռեմբո՞ն, Գոգա Խաինդրավա՞ն, թե՞ Թամազ Թամազաշվիլին, ով անձամբ էր մասնակցել այդ բռնությանը: Այդ սադիստը, իմիջիայլոց, աշխատանքից ազատվել էր հենց Թամազ Թամազաշվիլիի հետ կապեր ունենալու պատճառով, և ինչպես քննությունն է պարզել, մի քանի ամիս դատախազությունը մի քանի բանտի աշխատողների էր նմանատիպ բաների համար ձերբակալել: Մենք դա բավականին ուշ ենք հայտնաբերել: Այս ամենը հավաքվել էր մի քանի ամիսների ընթացքում և պետք է հրապարակվեր սեպտեմբերի 24-ին: Նրանք նախօրոք էին իրենց հարցազրույցներում հայտարարել, թե ինչ նշանակություն ունի նախընտրական քարոզարշավը, ասում էին, որ այնպիսի բան ունեն մեր դեմ, որն ամեն ինչ շուռ կտա: Այսինքն՝ նրանք դեռ մի քանի ամիս առաջ գիտեին այդ մասին և հավանաբար խրախուսում էին, վճարում էին, որ հետո ամբողջ Վրաստանը իրար խառնեն:
Եվ պատկերացրեք, եթե այս ամենը ի հայտ գար ընտրություններից հինգ օր առաջ. մարդիկ ցնցված կլինեին, կսկսեին փախչել, կսկսեինք աշխատանքից հեռացնել մարդկանց: Այս ամենը իր գագաթնակետին կհասներ ընտրությունների օրը, և Վրաստանը կվերադառնար իր մութ անցյալ՝ Ռուսաստանի հովանու ներքո: Ահա թե ինչ է կանգնած այս ամենի հետևում»,- հայտարարել է Սաակաշվիլին:
Նրա խոսքերով՝ անցած օրը ցույց են տվել Գոգա Խաինդրավայի հարցազրույցը, որտեղ նա ասում է. «Մենք նրանց ցախավել ցույց կտանք»:
«Ոչ թե փայտ, այլ ցախավել: Հետաքրքիր է, որտեղից իմացավ Խաինդրավան, և որտեղից այս համադրությունը մի քանի ամիս առաջ: Հասարակությունը պետք է հարցնի: Մեր թուլությունը կայանում է նրանում, որ մենք չգիտեինք: Եվ այն, որ մենք չգիտեինք, մեզ պատասխանատվությունից չի ազատում»,- հայտարարել է Սաակաշվիլին:
