Ռուս ինժեներ ԻգորՊետրովը, որը մշակել է պայթուցիկ նյութերը ալմաստի փշուրների վերածելու մեթոդը, դարձել է այս տարվա Շնորբելյան մրցանակի (Ig Nobel Prize) դափնեկիր: Ոչ ստանդարտ գաղափարների և աբսուրդային գիտական նվաճումների համար մրցանակների հանձնման արարողությունը տեղի է ունեցել Բոստոնում` Հարվարդի համալսարանում: Այս մասին հայտնում է Newsru.com-ը:
«Տիկնայք, եթե ձեզ ալմաստներ են պետք, կհանդիպենք միջոցառումից հետո: Չմոռանաք ձեր պայթուցիկները»,- կատակել է Պետրովը, որն աշխատում է Չելյաբինսկում գործող SKN ընկերությունում: Ինչպես նշում է ընկերության կայքը, նանոալմաստները սիթետիկ փոշենման նյութ են, որոնք ստացվում են պայթուցիկ նյութերը հատուկ պայմաններում պայթեցնելու արդյունքում: Հականոբելյան մրցանակին Պետրովն արժանացել է իր գործընկերների հետ:
Շնոբելյան մրցանակը հանձնվում է 10 անվանակարգերում 1991 թվականից, Annals of Improbable Research երգիծական ամսագրի նախաձեռնությամբ: Ի դեպ, դափնեկիրները մրցանակները ստանում են նոբելյան մրցանակակիրների ձեռքից:
Այս տարի դափնեկիրների թվում են ճապոնացի գյուտարարները, որոնց ստեղծած սարքը թույլ է տալիս հեռավորության վրա փակել ցանկացածի բերանը: Հոլանդացի հոգեբանները Շնոբելյան մրցանակ են ստացել ձախ թեքված դիրքով Էյֆելյան աշտարակին նայելիս այն ավելի փոքր տեսնելու հանգամանքը պարզելու համար:
Հականոբելյանական մրցանակների են արժանացել նաև 4 ամերիկացի հետազոտողներ, որոնք ցույց են տվել, որ բարդ սարքավորման միջոցով հնարավոր է ֆիքսել սատկած ձկան գլխուղեղի աշխատանքը:
Բրիտանացի և ամերիկացի հետազոտողերի մի խումբ էլ մրցանակ է ստացել` բացատրելով, թե ինչու են քայլելիս կանանց պոչիկով կապված մազերը տատանվում:
