Շվեդիայի հայ համայնքը երեկ Ստոկհոլմում Հունգարիայի դեսպանատան առջև ակցիա է անցկացրել` ընդդեմ Ռամիլ Սաֆարովի արտահանձնման:
Ցուցարարները իրենց բողոքն արտահայտել են` պարզելով «Որքանով եք վաճառել ձեր պատիվը», «Մենք արդարություն ենք պահանջում Գուրգեն Մարգարյանի համար» գրությամբ պաստառներ:
Հիշեցնենք, որ օգոստոսի 31-ին Հունգարիայում Գուրգեն Մարգարյանին սպանելու համար ցմահ ազատազրկման դատապարտված Սաֆարովն արտահանձնվել էր Ադրբեջան, որտեղ նրան երկրի նախագահի Իլհամ Ալիևը ներում էր շնորհել, բարձրացրել էր նրա զինվորական կոչումը և վճարել ութ տարվա աշխատավարձը: Նույն օրը Երևանը խզել էր դիվանագիտական հարաբերությունները Բուդապեշտի հետ:
