Ամբողջ աշխարհում այսօր նշում են Լրագրողների համերաշխության միջազգային օրը:
Տոնը հռչակվել է 1958թ. Բուխարեստում լրագրողների միջազգային կազմակերպության 4-րդ կոնգրեսի ժամանակ: Կոնգրեսի պատգամավորների նախաձեռնությամբ` այդ օրն ամբողջ աշխարհի լրագրողները պետք է աշխարհին ցույց տան իրենց համախմբվածությունը, հատկապես իրենց իրավունքների պաշտպանության գործում:
1943-ի սեպտեմբերի 8-ին Բեռլինում ֆաշիստները մահապատժի ենթարկեցին 1942-ի ապրիլին ձերբակալված չեխ լրագրող, գրական և թատերական քննադատ, հրապարակախոս, Չեխոսլովակիայի կոմունիստական կուսակցության ակտիվիստ Յուլիուս Ֆուչիկին: նա աշխարհին հայտնի է դարձել «Ռեպորտաժ թոկը պարանոցին» գրքով: Ֆուչիկի մահից հետո գիրքը թարգմանվել է 70 լեզվով, իսկ 1958-ից Ֆուչիկի մահվան օրը նշվում է որպես Լրագրողների համերաշխության միջազգային օր:
Լրագրողների համերաշխության օրը ամբողջ աշխարհում լրագրողների մասնակցությամբ տեղի են ունենում հավաքներ ու գիտաժողովներ:
