Հայտնի գրող Ումբերտո Էկոն հրապարակավ հայտարարել է, որ Իտալիայի վարչապետ Սիլվիո Բեռլուսկոնին նման է Հիտլերին: Նրա այս խոսքերը Իտալիայում մեծ սկանդալի առիթ են հանդիսացել:
Գտնվելով Երուսաղեմի հայտնի գրքի տոնավաճառին` Ումբերտոյին հարց են տվել մերձավորարևելյան տարածաշրջանում տեղի ունեցող իրադարձությունների մասին` խնդրելով համեմատել Իտալիայի վարչապետին Լիբիայի ղեկավար Մուամար Քադաֆիի և հրաժարական տված Հոսնի Մուբարաքի հետ: Էկոն ասել է, որ այդ համեմամտությունը նպատակահարմար չէ, և ավելի ճիշտ կլինի Բեռլուսկոնիին համեմատել Հիտլերի հետ:
«Մտավոր առումով համեմատություն կարելի էր անցկացնել Հիտլերի հետ. նա էլ իշխանության է եկել արդար ընտրությունների միջոցով: Բեռլուսկոնին դիկտատոր չէ, ինչպես Քադաֆին և Մուբարաքը, քանի որ նա հաղթել է ընտրություններում իտալացիների մեծամասնության աջակցությամբ: Իտալիայում նմանատիպ ռեժիմ չկա, ինչպես Հյուսիսային Աֆրիկայի երկրներում, և պետք չէ մոռանալ, որ էլեկտորատը պատրաստ է աջակցել Բեռլուսկոնիին: Դա բավական տխուր է, բայց դա այդպես է»,- նշել է նա:
Էկոյի հայտարարությունը մեծ աղմուկ է բարձրացրել Իտալիայում: Իտալիայի մշակույթի նախարարը, որը միաժամանակ համարվում է Բեռլուսկոնիի «Ազատության ժողովուրդ» կուսակցության համակարգող, Էկոյի հայտարարություններն անվանել է «մոլագարի զառանցանք»: «Վշտեցնում է այն, որ մշակույթի այնպիսի ներկայացուցիչ, ինչպիսին Ումբերտո Էկոն է, արել է որքան սադրիչ, նույնքան էլ վիրավորող համեմատություններ իտալացի ժողովրդի համար: Ընդ որում` դա որոշել է անել Երուսաղեմում»,- նշել է նախարարը:
