Ուկրաինական ռազմա-ծովային ուժերի ֆլագմանի նավը ուղարկվելու է Սոմալիի ափերի մոտ, որտեղ մասնակցելու է ընդդեմ ծովահենների միջազգային գործողությանը: ՈՒՆԻԱՆ-ի փոխանցմամբ` այս տեղեկատվությունը հաստատել է նաև Ուկրաինայի ԱԳՆ ներկայացուցիչ Օլեգ Վոլոշինը: Նրա խոսքերով` «Գետման Սագայդաչնի» նավը կուղարկվի 2013թ.:
Ուկրաինայի Անվտանգության խորհրդի՝ սոմալիական ծովահենների դեմ պայքարելու մասին որոշումն ընդունվել էր դեռևս 2010թ.: Այդ ժամանակ «Կոմերսանտ-Ուկրաինա»-ն գրել էր, որ նավը Սոմալի հասցնելու համար անհրաժեշտ կլինի 34-45 միլիոն գրիվեն (4.2-5.5 միլիոն դոլար` ներկայիս փոխարժեքով):
Սոմալիի ջրային տարածքներում ռազմական պարեկությունը, որն իրականացվում է միջազգային ուժերի կողմից, կազմակերպվել էր 2008թ. ՄԱԿ ԱԽ-ի կողմից:
