Թայգեր Վուդսը դարձել է PGA-ի մրցաշարի պատմության առաջին գոլֆիստը, ով կարողացել է ավելի քան 100 մլն ԱՄՆ դոլար պարգևավճար վաստակել:
Հանրահայտ մարզիկը երրորդ մրցանակակիր է դարձել Deutsche Bank Championship մրցաշարում, որի հաղթող է դարձել Ռորի Մաքիլռոյը:
Այս հաջողությունը Վուդսին 544.000 ԱՄՆ դոլար պարգևեց: Այսպիսով` մարզիկն իր կարիերայի ընթացքում 100.350.000 ԱՄՆ դոլար պարգևավճար է վաստակել:
«Ես ավելի քիչ մրցաշարերում եմ հաղթանակ տարել, քան Սեմ Սնիդը, սակայն ակնհայտ է, որ նա ապրել է բոլորովին այլ ժամանակաշրջանում: Այնպես է ստացվել, որ ես իմ կարիերան սկսել եմ այն ժամանակ, երբ պարգևավճարների չափն ավելացել է»,- Վուդսին մեջբերում է ESPN-ը:
Թայգեր Վուդսը մասնակցել է 74 մրցաշարերի` այն դեպքում, երբ Սնիդը, ով մահացել է 2002 թվականին` 89 տարեկանում, 82: Սակայն վերջինս իր կարիերայի ընթացքում որպես պարգևավճար ստացել է 620.000 ԱՄՆ դոլար:
Հավելենք, որ PGA-ի մրցաշարը հիմնադրվել է 1916 թվականին:
