Կարեն Դեմիրճյանի անվան տուն-թանգարանի բացօթյա ցուցասրահում կկազմակերպվի մի ցուցահանդես, որ կոչվում է «Մեր կյանքը»: Խորագիրն ինքնին ասում է, որ այն ցուցահանդես է մարդու մասին»,- «Առաջին լրատվական»-ի հետ զրույցում ասաց ցուցահանդեսի կազմակերպիչներից մշակութաբան Վարդան Ջալոյանը:
Նա հավելեց, որ ցուցահանդեսը կներկայացնի հասարակական վիճակը, այն անպատժելիության մթնոլորտը, որ կա Հայաստանում. «Այստեղ ներկայացված է մարդ, որը չունի ո՛չ քաղաքացիություն, ո՛չ իրավունքներ, նրա հետ անպատժելիորեն կարող են ցանկացած բան անել: Այս օրինակները մեզանում օրեցօր ավելանում են»:
Մշակութաբանն ասաց նաև, որ իրենք՝ արվեստագետները, անհանգստացած են այդ իրավիճակով և Արտլաբորատորիայի մի քանի աշխատակիցներով որոշեցին կազմակերպել այս ցուցահանդեսը: Նրանց կարծիքով՝ արվեստը հնարավոր է ներկայացնել փաստերի միջոցով, ինչն էլ իրենք փորձելու են անել, և դա անվանեցին նաև Փաստի արվեստ:
Նշենք, որ ցուցահանդեսի բացումը տեղի կունենա սեպտեմբերի 5-ին՝ ժամը 19.00-ին, Կարեն Դեմիրճյանի անվան թանգարանի բացօթյա սրահում:
