Եգիպտոսի նոր սահմանադրությունը հանրաքվեի կհանվի 2012թ. սեպտեմբերի վերջին: MENA գործակալության փոխանցմամբ` նման հայտարարությամբ հանդես է եկել Եգիպտոսի վարչապետ Հեշա Քանդիլը: Հանրաքվեի ճշգրիտ օրը վարչապետը չի նշել: Ակնկալվում է, որ նոր հիմնական օրենքը պարզ կդարձնի իսլամի դերը պետության մեջ և կհստակեցնի նախագահի լիազորությունները:
Եգիպտոսի նոր սահմանադրության ձևավորման գործընթացը մի քանի անգամ ընդհատվել է: Սկզբում այն ստեղծվել էր եգիպտական խորհրդարանի կողմից, որում գերիշխում էին իսլամական կուսակցությունները: Լիբերալները, որպես բողոքի նշան, «Մուսուլման եղբայրներ» շարժման կողմից կիրառված ճնշումների տակ երկու անգամ դուրս են եկել նոր սահմանադրության տեքստի կազմավորման հանձնաժողովից:
Խորհրդարանի ցրումից հետո նոր սահմանադրության դիտարկման լիազորությունները ստանձնում է Եգիպտոսի զինված ուժերի բարձրագույն խորհուրդը: Այնուհետև Եգիպտոսի նախագահ Մուհամմեդ Մուրսին վերադարձնում է նոր սահամանդրության ձևավորման վերահսկողության իրավունքը:
Հիշեցնենք, որ Մուհամմեդ Մուրսին Եգիպտոսի նախագահ է ընտրվել հունիսի 24-ին:
