Վիեննայում Իրանի բանակցությունները Ատոմային էներգիայի միջուկային գործակալության (ՄԱԳԱՏԷ) հետ անցել են կառուցողական մթնոլորտում, թեև կողմերը պահպանում են տարաձայնությունները մոտեցումներում: Այսպիսի հայտարարությամբ է հանդես եկել Իրանի ներկայացուցիչը ՄԱԳԱՏԷ-ում՝ Ալի Ասղար Սոլթանիեն:
Նրա խոսքով, որը մեջբերում են ինտերնետ-ԶԼՄ-ները, Իրանն արդեն պատասխանել է ՄԱԳԱՏԷ-ի շատ հարցերի, ու մեղադրանքների մեծ մասը` ուղղված Իրանին, «անհիմն են և քաղաքական հիմքեր չունեն»:
«Անկասկած, բանակցություններում, ամեն դեպքում, առաջընթացն առկա է, սակայն առաջվա պես պահպանվում են որոշ տարաձայնություններ»,- հավելել է Սոլթանիեն:
Նախօրեին ՄԱԳԱՏԷ-ի գլխավոր տնօրենի տեղակալ Հերման Նակերտսը հայտարարել էր, որ կողմերը առաջվա պես ունեն «զգալի տարաձայնություններ», որոնք խոչընդոտում են Իրանի միջուկային ծրագրերի շուրջ պայմանավորվածության ձեռքբերմանը: