Կատալոգով հագուստի վաճառքով զբաղվող Littlewoods ընկերությունն իր 80-ամյակի կապակցությամբ վերանկարել է բոլոր ժամանակների իր լավագույն շապիկները: Ինչպես հաղորոդւմ է The Daily Mail-ը, ֆոտոշարքին մասնսակցել է Քոլին Ռունին՝ ֆուտբոլիստ Ուեյն Ռունիի կինը:
Հոբելյանական լուսանկարների հեղինակը Թերի Օ՛Նիլն է, որն աշխատել է Օդրի Հեփբերնի, ինչպես նաև The Beatles-ի և The Queen-ի երաժիշտների հետ: Լուսանկարներում Ռունին հանդես է եկել տարբեր կերպարներում՝ սկսած հիպիից մինչև տնային տնտեսուհի:
Լրագրողուհի և հեռուստահաղորդավարուհի Քոլին Ռունին Littlewoods-ի հետ պայմանագիր է ստորագրել 2010թ.: Մամուլում հաղորդվում էր, որ պայմանագրի արժեքը շուրջ 2 մլն ֆունտ է: Պայմանագրի համաձայն՝ Քոլինն օգնում է իրեր ընտրել կատալոգի համար և խորհուրդներ է տալիս՝ ինչպես ներկայացնել նորաձևության մեջ նոր ուղղությունները:
Littlewoods-ը վաճառում է ոչ միայն հագուստ, այլև կահույք, կենցաղային ապրանքներ և էլեկտրոնիկա: Littlewoods-ի ապրանքները կարելի է պատվիրել համացանցով:
