Պյատիգորսկցի մոլագար Վլադիմիր Համբարձումովի նախկին կինը , ով ձերբակալվել էր 9-ամյա աղջնակի բռնաբարության և սպանության համար, պատմել է այն մասին, թե ինչն է նախկին ամուսնուն հանցագործության մղել:
Ըստ կնոջ խոսքերի՝ Վլադիմիրին ասես փոխեցին նորածին դստեր մահից հետո: Նա դարձավ ագրեսիվ և ամեն անգամ ավելի ու ավելի ծանր հանցագործություններ էր անում:
Դժվար է հավատալ, բայց կասկածյալ պեդոֆիլ-մարդասպանը`40-ամյա Վլադիմիր Համբարձումովը, նախկինում օրինակելի մարդ է եղել: Ըստ նրա առաջին կնոջ`Լիանա Բ-ի խոսքերի, Վլադիմիրը շատ էր սպասում առաջնեկի ծնունդին, գրում է Life News-ը:
«Մեր առաջին երեխան ծնվեց 1994 թվականի հունիսի 16-ին: Վլադիմիրը շատ էր սպասում դստեր ծնունդին: նա այն ժամանակ առևտորով էր զբաղվում»,- պատմել է Լիանա Բ-ն:
Կնոջ ծննդաբերությունից առաջ Վլադիմիր Համբարձումովը գնացել է Թուրքիա և Լեհաստան, այնտեղից բերել էր մանկասայլակ, զգեստներ:
Սակայն աղջիկը թույլ էր, լավ չէր աճում, և բժիշկները Համբարձումովին ասացին, որ նա չի ապրի: Դրանից հետո երիտասարդ հայրիկի մոտ խուճապ է սկսվել:
«Նա ուզում էր աղջկան Մոսկվա տանել՝ բուժզննման, սակայն չհասցրեց ոչինչ անել: Երեխայի մահից հետո նրան ասես փոխեցին,- շարունակում է Լիանա Բ-ն,- Նրա մեջ ասես սկսեցին ապրել երկու տարբեր մարդիկ»:
Վլադիմիր Համբարձումովի մոտ սկսվեցին հանկարծակի պոռթկումներ: Նա գոռում էր, հետո ոչինչ չէր հիշում: Բժիշկները Համաբարձումովի մոտ ախտորոշեցին շիզոֆրենիայի սկզբնական աստիճան:
Դստեր մահից մի քանի ամիս անց Համբարձումովը վեց տարով հայտնվեց բանտում`ավազակային հարձակման համար: Ապա հաջորդեցին մյուս ազատազրկումները:
1998 թվականին Լիանան և Վլադիմիրն ունեցան երկրոդ աղջկան, սակայն դա նրան չփրկեց:
«Էլինան մեկ տարեկան էլ չկար, երբ նա հերթական անգամ դուրս եկավ բանտից: Ամուսինս ընդամենը մեկ անագամ է տեսել աղջկան, սակայն նա Վլադիմիրի մոտ որևէ զգացմունք չարթնացրեց»,- պատմել է Լիանան: Շուտով նրանց ամուսնության վերջը եկավ, ամուսինները սկսեցին չշփվել: Համբարձումովը երբեք չի օգնել Լիանային դստեր դաստիարակման հարցում:
