Անցած տարի Սյունիքի մարզում տեղի ունեցած գարնանային ցրտահարությունները, կարկտահարությունը, երկարատև անձրևները, ջերմաստիճանի կտրուկ իջեցումն իրենց ազդեցությունն են թողել գյուղմթերքների արտադրության վրա:
Գյուղացիական տնտեսությունների և ֆերմերների վնասը կազմում է մոտ 1,37 մլրդ դրամ: Մասնավորապես, փտախտի, սնկային և ժանգային հիվանդությունների հետևանքով աշնանացանի ցանքատարածություններին հասցվել է 774.0 մլն. դրամի, պտղատու այգիներին` 467.5 մլն. դրամի, նորատունկ տնկիներին` 130.3 մլն. դրամի վնաս:
Գեղիի ջրամբարի վթարի հետևանքով Լեռնաձորի համայնքի Թավշուտ և Բարիկավան բնակավայրերի ցանքատարածություններին հասցվել է 8.4 մլն. դրամի վնաս:
Տուժել է նաև անասնապահությունը. խոզերի աֆրիկյան ժանտախտի և հավերի կեղծ ժանտախտի հետևանքով հասցված վնասը կազմել է 68.9 մլն. դրամ:
Ըստ Սյունիքի մարզպետի հաշվետվության` մարզի գյուղատնտեսության ընդհանուր վնասը կազմել է 1,45 մլրդ դրամ: