Փոփ կատարողներ Ռիհաննան և Դրեյքը դարձել են 2012-ի MTV Video Music Awards մրցանակաբաշխության ֆավորիտները: Նրանցից յուրաքանչյուրը մրցանակի է հավակնում 5 անվանակարգում, ներառյալ` «Տարվա տեսահոլովակը»: Թեկնածուների անունների ամբողջական ցանկը հրապարակվել է MTV-ի կայքում հուլիսի 31-ին, իսկ մրցանակների հանձնումը տեղի կունենա սեպտեմբերի 6-ին Լոս Անջելեսում:
Ռիհաննայի We Found Love երգի տեսահոլովակը հավակնում է «Տարվա տեսահոլովակ», «Կնոջ լավագույն տեսահոլովակ» և «Լավագույն փոփ տեսահոլովակ» մրցանակներին, իսկ Where Have You Been երգի տեսահոլովակը` «Լավագույն խորեոգրաֆիա», «լավագույն տեսողական էֆեկտներ» մրցանակներին:
Դրեյքի Take Care-ի տեսահոլովակը հավակնում է «Տարվա տեսահոլովակ», «Տղամարդու լավագույն տեսահոլովակ», «Լավագույն ռեժիսուրա», «Լավագույն կինեմատոգրաֆիա», իսկ HYFR-ը` «Լավագույն հիփ-հոփ տեսահոլովակ» մրցանակներին:
MTV VMA-2012 մրցանակաբաշխության ժամանակ 4 մրցանակ ստացել է Քեթի Փերին, 3-ական` Բեյոնսեն, Coldplay-ը, Ֆրենկ Օուշենը, M.I.A.-ն և Watch the Throne-ը:
