Դեվիդ Կոպերֆիլդի գործադիր պրոդյուսեր Քրիս Քենները ցուցմունք է տվել բրիտանացի Գեվին Քոքսի գործի շրջանակներում, որը տուժել էր աճպարարի 2013 թվականի շոուի ժամանակ: Այս մասին հաղորդում է Associated Press-ը:
Քրիս Քենները ստիպված է եղել բացահայտել մարդկանց անհետացման հնարանքի՝ Կոպերֆիլդի այցեքարտի գաղտնիքը:Նրա խոսքերով՝ հնարքը կայանում է նրանում, որ պատրաստված արտիստները, լապտերներով, դահլիճից տանում են պատահականության սկզբունքով ընտրված մարդկանց, մուգ վարագույրներով ծածկված միջանցքների միջով՝ համալիրի խոհանոց և փողոց են դուրս բերում: Այնուհետև նրանց կրկին հետ են բերում, որպեսզի շոուի վերջում հասցնեն հետ գալ:
Քենների խոսքերով, այդ ճանապարհին խոչընդոտներ չկան, որոնք կարող էին վնասվածքի պատճառ դառնալ: Կոպերֆիլդի կողմը նաև հավելել է, որ հնարանքն արդեն չի օգտագործվում նրա ներկայացումների ժամանակ:
Քոքսը դատարան էր դիմել 2016 թվականին: Նա հայտարարել էր, որ Լաս Վեգաս էր ժամանել Կոպերֆիլդի ներկայացումը՝ MGM Grand հյուրանոցա-ժամանցային համալիրում դիտելու համար: Նրան և ևս 12 մարդու ընտրել են հնարանքն անելու համար, որի ընթացքում մարդիկ անհետանում են բեմի վրա կախված վանդակից, իսկ հետո անսպասելի կերպով հայտնվում են դահլիճում:
Քոքսի խոսքերով՝ երբ վանդակը փակվել է վարագույրով, Կոպերֆիլդի օգնականները իրեն քշել են գաղտնի ելքով՝ մթության մեջ: Նա սայթաքել և ընկել է: Քոքսին հիվանդանոց են տեղափոխել՝ գլխուղեղի վնասվածքով և ուսի սալջարդով: Քոքսը դատարանում հայտարարել է, որ ավելի քան 400 հազար դոլար է ծախսել բուժման համար: