ԱՄՆ-ը դիտարկում է Ռուսաստանի հանդեպ հավելյալ պատժամիջոցներ սահմանելու հնարավորությունը։ Այս մասին հայտնում է Bloomberg գործակալությունը՝ հղում անելով վաշինգտոնյան վարչակազմի բարձրաստիճան ներկայացուցիչներին։
Նրանց խոսքով՝ պատժամիջոցների սահմանման մասին որոշումը չպետք է քաղաքականացվի, ինչի հետ կապված քննարկումներն ընթանում են փակ դռների հետևում, նշում է գործակալությունը։ Ինչպես գրում է Bloomberg-ը, նոր պատժամիջոցները կարող են մասնավորապես ներմուծվել անձանց նկատմամբ, ովքեր ընդգրկված են ԱՄՆ-ի «կրեմլյան ցուցակում»։ Վաշինգտոնում կարծում են նաև, որ պատժամիջոցների հարցում պետք է միասնական լինեն իրենց եվրոպացի դաշնակիցների հետ։
AFP-ն իր հերթին, հղում անելով ԱՄՆ վարչակազմի անանուն ներկայացուցիչներին, նույնպես հայտնում է ՌԴ-ի դեմ հավելյալ սահմանափակող միջոցառումների ներմուծման հնարավորության մասին։ «Մենք շատ ենք աշխատում այդ ուղղությամբ, մենք դա ընկալում ենք շատ լուրջ, դա ազգային անվտանգության հարց է»,-գործակալությունը մեջբերում է ԱՄՆ իշխանությունների ներկայացուցիչներից մեկի խոսքերը։
