Գնումների ոլորտում նախորդ տարվա ընթացքում կատարված փոփոխությունները միտված են եղել գնումների համակարգում արդար մրցակցության խթանմանը: «Դրա արդյունքում կձևավորվի այն գինը, որը կկարողանանք տալ ամենաորակյալ ապրանք ձեռքբերելու պայմանով»,- կառավարության նիստից հետո լրագրողների հետ զրույցում նշեց ՀՀ ֆինանսների նախարար Վարդան Արամյանը:
Նախարարը հիշեցրեց, որ նախորդ տարվա ապրիլից ոլորտում մեկնարկել է նոր համակարգ: «Այդ համակարգը ներդնելուց հաշվի էր առնվել 4 հիմնական սկզբունք: Հետևում ենք գնումների ոլորտում ինչ խնդիրներ են ի հայտ գալիս և փորձում ենք արագ լուծումներ տալ: Տեսել ենք, որ մի քանի խնդիրներ են առաջացել»,- ասաց Արամյանը: Նրա խոսքով, մինչև 70 միլիոն դրամի փոքր գնումները մասով պահանջվում է որպես հայտի ապահովում միակողմանի ստորագրված տուժանքի ձևանմուշ, ինչն իր նպատակին չի ծառայում, քանի որ լինում են դեպքեր, երբ տուժանքի ձևաչափի մեջ տեխնիկական խնդիրների պատճառով մասնակիցը դուրս է մնում մրցակցությունից: «Միջազգային հարկային պայմանագրերի մասով հիմնականում նույն ընթացակարգերն են մնացել, ինչը նախորդում էր»,- ասաց նախարարը: