Այսօր կառավարության դիմաց կրկին բողոքի ակցիա էին իրականացնում հաշմանդամ օդաչուները, ովքեր արդեն 10 տարուց ավել է պահանջում են արդարացի փոխհատուցում, սակայն կառավարությունը որևէ կերպ չի արձագանքում օդաչուների պահանջներին։
Հաշմանդամ օդաչուներին մեկ անգամ ընդունել և նրանց բողոքը լսել էր նախկին վարչապետ Հովիկ Աբրահամյանը, սակայն հարցի լուծումը սահմանափակվել էր միայն նրանց խնդիրը լսելով։
Համշանդամ օդաչուները, այսօր «Առաջին լրատվական»-ի հետ զրույցւոմ նշեցին, որ իրենք հույսը չեն կորցրել, դեռ էլի կգան ու կկանգնեն կառավարության դիմաց, բայց միևնույն ժամանակ հավելեցին, որ իրենց ակնկալիքները մինչև գարուն են։ «Մինչև գարուն՝ ապրիլ, մի բան եղավ-եղավ, չէ, էլ դրանից հետո ոչ մի բան էլ չի լինի։ Մեզ ոչ մեկ բանի տեղ չի դնում։ Բայց երբ արցախյան պատերազմի ժամանակ մենք ինքնաթիռով զենքեր էինք տեղափոխում, մեծ ծառայություն էինք մտուցում, այդ ժամանակ բոլորը մեզանից էին խոսում։ Իսկ հիմա բոլորը մեզ մոռացել են ու անտեսել»,-նշեց մեր զրուցակիցը։
Առավել մանրամասն՝ տեսանյութում