Առաջնագիծը պետք է տեխնիկապես հագեցված լինի, զինվորը միայն ավտոմատով ու նռնակով չպետք է մարտական հերթապահություն կատարի։ Այս մասին «Առաջին լրատվական»-ի հետ զրույցում ասաց ապրիլյան պատերազմի մասնակից Անդրե Վարդումյանը, ով 2016թ․ ապրիլի 3-ին Մարտակերտում վիրավորվել է։ Ըստ նրա՝ ապրիլյան պատերազմից հետո արդեն իսկ մի շարք փոփոխություններ արվել են։
«Սկսել են ավելի շատ կարևորություն տալ բանակին ու զինվորին։ Բայց մեզ պետք է, որ բալանսը պահենք, զինվենք»,-շեշտեց նա։
«Դիրքապահ», քառօրյա պատերազմի մասնակիցների միավորում» ՀԿ նախագահ Մանուել Մանուկյանն էլ ընդգծեց, որ սահմանին կանգնած զինվորը արժանի հակահարված տալիս է հակառակորդին, հարկ եղած դեպքում, հետ է շպրտվում, ինչպես ապրիլյան պատերազմի, վերջին դիվերսիոն ներթափանցման փորձի ժամանակ։
«Ինչքան ուզում է Ադրբեջանին զենք մատակարարեն, եթե պատրաստված զինվոր չունեն, մեկ է հաջողության չեն հասնի, իսկ մենք վստահ ենք մեր զինվորների ուժի վրա »,-շեշտեց նա։
Մանրամասները՝տեսանյութում
