Քերոլայն Դիքը ուրախանում էր, որ ի տարբերություն շատ կանանց, չի գիրացել և նույնիսկ նիհարել է հղիությունից անմիջապես հետո։ Բայց նրա ուրախությունը երկար չտևեց. ծննաբերությունից մի քանի ամիս հետո բժիշկները նրա մոտ աղիների քաղցկեղ հայտնաբերեցին,– հաղորդում է Mirror-ը։
Ծննդաբերությունից մի քանի շաբաթ անց, երբ նա բժշկի դիմեց, նրան պարզապես երկաթի տոկոսը բարձրացնող դեղեր նշանակացին՝ սակավարյունության դեմ։ Սակայն նրա վիճակը չլավացավ։ Մի քանի ամիս հետո կինը նորից դիմեց բժշկի, այս անգամ արդեն նրա մոտ չորրորդ աստիճանի քաղցկեղ հայտնաբերվեց՝ աղիներում։
«Ինձ թվում է, որ ես հենց սկզբից էլ գիտեի, որ սա ինչ որ լուրջ բան է։ Բայց ամեն դեպքում հույս ունեի, որ ինչ որ բորբոքում է։ Ինձ թվում էր, որ աղիների քաղցկեղը մեծահասակների հիվանդություն է» ,– պատմել է Քերոլայնը։
Արդյունքում կինը լուրջ վիրահատության է ենթարկվել և մի քանի կուրս քիմիաթերապիա է ստացել։ Մեկ տարի հետո հիվանդությունը կրկին ակտիվացել է և այս անգամ ախտահարել է նրա արգանդը։ Բժիշկները միանգամից մի քանի ներքին օրգաններ են հեռացրել, սակայն հիվանդությունը շատ արագ էր տարածվում։
Այժմ Քերոլայնը փորձում է երիտասարդներին պատմել հիվանդության մասին և իրազեկել, որպեսզի ուրիշներն էլ չհայտնվեն իր իրավիճակում։