Հայտնի դերասանին և ռեժիսորին, ով վերջին ժամանակներս ապրում է իր նախկին կնոջ՝ Վիտալինա Ցիմբալյուկ–Ռոմանովսկայայի հետ չդադարող սկանդալի կենտրոնում, օգնության են շտապել շտապ օգնության բժիշկները։ Բժիշկներին ուղիղ թատրոն են կանչել։ Թե որն է եղել Արմեն Ջիգարխանյանի վատ ինքնազգացողության պատճառը և ինչ է տեղի ունեցել, դեռևս պարզ չէ։
Լուրեր կան այն մասին, որ նա պատրաստվել էր հանդիպել իր նախկին կնոջ ներկայացուցչի հետ։
Ինչպես հայտնի է դարձել, Վիտալինան մտադիր է վերականգնել Ջիգախանյանի հետ պաշտոնական ամուսնական կապը և արդեն բողոքարկում է ներկայացրել դատարան։ Ինչպես ենթադրում են դերասանի ներկայացուցիչները՝ Վիտալինայի նպատակը այս գործընթացը ձգձգելն ու այդպիսով, շարունակական աղմուկի ֆոնին, իր անձի նկատմամբ ուշադրություն գրավելն է։
