«Ամանորի սեղանը մեր օրերում վերածվել է մրցավազքի. ով ավելի շատ և ավելի թանկարժեք կերակրատեսակներ կպատրաստի, որքան խմիչք կունենա և սեղանին ինչ գիշատիչ կդնի»։
Այդ մասին «Առաջին լրատվական»-ի հետ զրույցում ասաց «Հայ խոհարարական ավանդույթների զարգացման և պահպանման» ՀԿ նախագահ Սեդրակ Մամուլյանը։
Նա հիշեցրեց, որ ինչպես կոկորդիլոսը, այնպես էլ խոզը գիշատիչ են, պետք չէ ոչ մեկի, ոչ էլ մյուսի հետևից ընկնել։
«Կոկորդիլոսի միսն ընդհանրապես ուտելու չէ, լավ է, որ շան միս չեն դնում, գիշատիչի միս հայերը չեն օգտարգործում, տարբեր ազգեր օգտագործել են, բայց դա մեզ հետ կապ չունի»,- ընդգծեց նա։
Սեդրակ Մամուլյանն ասաց, որ հայկական ավանդական սեղան ունենալու համար քաշիկա էին դնում, որի բաղադրատոմսը նույնն է, ինչ հարիսայինը, բայց պատրաստման եղանակն է ուրիշ, չպետք է խառնել, որպեսզի նոր տարում պատարեազմ չլինի, տոլմայի տեսականի, նաև ասիլ-բասելիկ խմորեղեններ, որոնք կենդանակերպ, մարդակերպ են։
Սեդրակ Մամուլյանի խոսքերով՝ չպետք է նայել նրան, որ ադրբեջանցիներին հաջողել է ՅՈւՆԵՍԿՕ-ի հարթակում սեփականացնել տոլման, դա ավանդական հայկական կերակրատեսակ է։
Մանրամասները՝ տեսանյութում
