30-ամյա Ռեյնա Նատալի Վելասկեսն արգենտինական Բուենոս-Այրեսից կոցրել է ժամանակից շուտ ծնված իր երեխային, երբ ամուսնու հետ գնացել է սուրբծննդյան երեկույթի: Այս մասին հայտնում է The Sun-ը:
Ամուսնու՝ Իգնասիո Վելասկեսի հետ, Ռեյնան հղիության 22-րդ շաբաթում գնացել է Տարտագալ ընտանեկան երեկույթի՝ վստահ լինելով, որ ծննդաբերությունը հաստատ անակնկալի չի բերի:
Բայց սուրբծննդյան տոների ժամանակ կնոջ ծննդաբերությունը սկսվել է, նրան հիվանդանոց են տեղափոխել:
«Էխոգրամման ցույց էր տալիս, որ երեխան իմ փորի մեջ շնչում էր, փոքրիկս ողջ էր քանի դեռ նրանք չէին սկսել նրան այնտեղից բռնի հանել»,- ասում է Ռեյնա Նատալի Վելասկեսը:
Ռեյնան իմացել է, որ ծննդաբերության համար դեռ վաղ է, կծկումներ չի զգացել, ուստի բժշկին խնդրել է իրեն կեսարյան հատում անել:
«Վճռական պահին պարզվեց, որ տեղի հիվանդանոցում ոչ ոք չկար, ով կարող էր կեսարյան հատում անել: Այդ պատճառով գլխավոր բժիշկն ինձ ասաց, որ բնական ճանապարհով կծննդաբերեմ»,- հիշում է Ռեյնան:
Կծկումների բացակայության պատճառով բժիշկ Սյուզան Գոնզագան սկսել է սեղմել Ռեյնայի փորը և երեխային ձգել դեպի մոր փորի ներքևի մասը:
«Ցավն անտանելի էր, ես այդ մասին ասացի Սյուզանին: Նա պատասխանեց, որ դիմանամ և բռնի կերպով շարունակում էր սեղմել փորս»,- ասում է Ռեյնան:
Հանկարծ ամեն ինչ դադարել է, Սյուզանը կտրուկ Ռեյնայի հետ աշխատող մանկաբարձներին հրամայել է նրան վիրահատարան տանել: Ռեյնան ոչինչ չի հասկացել, քանի որ արդեն տեսել է իր երեխայի ոտքերը…
«Ես Սյուզանին հարցրի՝ ինձ ինչու են տանում վիրահատարան, նա պատասխանեց, որ երեխայիս գլուխը մնացել է արգանդումս: Ես միանգամից չհասկացա, որ նա պարազապես գլխատել է իմ որդուն…»,- հիշում է Ռեյնան:
Որդեկորույս զույգին ոչ ոք ոչինչ չի բացատրել: Նրանց միայն փոքր սպիտակ տուփ են տվել, որտեղ եղել են նրանց որդու մասնիկները:
Հիմա տեղի ունեցածով իրավապահ մարմիններն են զբաղվում:
