«Մինչև թեկնածուի անուն-ազգանուն հրապարակելը՝ տեղին կլիներ «Ծառուկյան» խմբակցության ներկայացուցիչների հետ քննարկել այս հարցը և ներկայացնել, որ նման օրակարգ ձևավորելու ցանկություն կա: Բացի այդ, «Ելք» դաշինքը իրավական դաշտում էլ բավարար ձայներ չունի, որպեսզի թեկնածու ներկայացնի: Իսկ «Ծառուկյան» խմբակցությունը 3 անգամ ավելի մեծ խմբակցություն է և բավարար 27 ձայնն ունի սեփական թեկնածուին ներկայացնելու համար»,- «Առաջին լրատվական»-ի հետ զրույցում ասաց «Ծառուկյան» խմբակցության պատգամավոր Վահե Էնֆիաջյանը՝ անդրադառնալով «Ելք» խմբակցության՝ Արտակ Զեյնալյանին որպես նախագահի միասնական թեկնածու ներկայացնելու առաջարկին:
Նրա խոսքով՝ քաղաքականության մեջ շտապողականություն ցուցաբերելը անթույլատրելի է. «Այնպես չէր, որ ժամկետների խնդիր կար նախագահի թեկնածուին ներկայացնելու, և «Ծառուկյան» խմբակցությունը որևէ գործողություն չէր իրականացնում: Ամեն ինչ պետք է անել ճիշտ ժամանակին»:
Մանրամասները՝ տեսանյութում: