Չինաստանի Կոմունիստական կուսակցության XIX համագումարում այդ երկրի նախագահ Սի Ցզինպինի ելույթի հաջորդ օրը Tencent ընկերությունը մշակել և թողարկել է խաղ սմարթֆոնների համար, որում օգտատերերը կարող են ծափահարել կուսակցության գլխավոր քարտուղարին: Այս մասին հայտնում է The New York Times-ը:
Խաղը գործարկվում է ընկերության մշակած WeChat մեսենջերում: Առաջին գործարկման ժամանակ օգտատիրոջն առաջարկվում է դիտել համագումարում Ցզինպինի ելույթը: Հետո օգտատիրոջը 19 վայրկյան է տրվում, որպեսզի հնարավորինս հաճախ սեղմի էկրանի ներքևի «ծափահարություններ» կոճակը:
WSJ-ի տվյալներով՝ օգտատերերը Ցզինպինին ծափահարել են արդեն ավելի քան մեկ մլրդ անգամ:
