Ազգային ժողովը քննարկում է «ՀՀ Ազգային ժողովի վեցերորդ գումարման մշտական հանձնաժողովներ ստեղծելու մասին» ՀՀ ԱԺ որոշման նախագծի երկու տարբերակ, որոնք ներկայացրել են ՀՀԿ-ն և «Ելք» դաշինքը:
ՀՀԿ-ն առաջարկում է հանձնաժողովների թիվը կրճատել՝ 12-ից դարձնելով 9: «Ելք» դաշինքն առաջարկում է, որ ԱԺ-ն ունենա 10 մշտական հանձնաժողով և պահպանի Մարդու իրավունքների և հանրային հարցերի հանձնաժողովը, որը, հույս ունեն, ղեկավարել իրենք:
Քննարկման ժամանակ իր դիտարկումները ներկայացրեց նաև ՀՀԿ խմբակցության պատգամավոր, նախկին գլխավոր դատախազ Գևորգ Կոստանյանը:
«Մարդու իրավունքների հարցը ո՛չ եթերային հարց է, ո՛չ էլ ամորֆ վիճակ է, դա վերկուսակցական երևույթ է»,- ընդգծեց Գևորգ Կոստանյանը՝ հավելելով, ՀՀԿ-ի կողմից ներկայացված նախագծի հիմքում դրված մոտեցումը չունի կուսակցական շահ:
Մանրամասները՝ տեսանյութում: