«Առաջին լրատվական»- ի զրուցակիցն է ԳԽ պատգամավոր Լոռու նախկին մարզպետ Վիգեն Խաչատրյանը:
-Մայիսին սպասվում են Երևանի ավագանու ընտրություններ, որին մասնակցելու հայտ է ներկայացրել երեք քաղաքական ուժ: Հետաքրքիր է Ձեր տեսակետը, արդյո՞ք այդքան անհետաքրքիր ընտրություններ են, որ այսքան քիչ ուժեր են առաջադրվել, ինչո՞վ կբացատրեք այս սակավ մասնակցությունը:
-Կարելի է երկու եզրակացություն անել, հավանաբար նրանք, ովքեր չեն մասնակցում, ըստ երևույթին, մտածում են, որ արդեն կանխորոշված է ամեն ինչ, իսկ ընտրությունները բոլոր դեպքերում ծախսեր են, խոստումներ են և այլն, հնարավոր է, որ չմասնակցողները անիմաստ են համարում մասնակցել հենց այդ պատճառով: Երկրորդ՝ կարելի է մտածել, որ այդ ուժերն այնքան էլ քաղաքական ուժեր չեն, որովհետև մայրաքաղաքային ընտրություններին չմասնակցելը խոսում է այն մասին, որ չմասնակցող ուժն իր էությամբ քաղաքակն չէ, ոչ թե դե յուրե, այլ դեֆակտո:
-Ասացիք՝ կան ուժեր, որ կարծում են, թե կանխորոշված են ընտրությունների արդյունքները, բայց չէ՞ որ կան ուժեր, որոնք միշտ էլ գիտեն, որ իրենք իշխանափոխություն չեն անելու, բայց մասնակցում են որոշակի մանդատներ ունենալու համար, որոշակի տեղ ունենալու, իրենց դիրքերը չզիջելու համար: Օրինակ, ըստ Ձեզ, երկրորդ քաղաքական ուժին՝ «Ծառուկյան» դաշինքին ի՞նչն է խանգարում, որ մերժում է Երևանի ավագանու ընտրություններին մասնակցությունը:
-Որպես երկրորդ ուժ կարելի է նրանց ընդունել, բայց քաղաքական բառն այս դեպքում մի քիչ վերապահումով օգտագործենք: Կարծում եմ, որ եթե իրական իշխանություն ունեցող անձը՝ Սերժ Սարգսյանը նրանց հորդորեր, որ մասնակցեն, նրանք անպայման կմասնակցեին, այսինքն՝ կարելի է ենթադրել, որ իշխանությանն այնքան էլ հետաքրքիր չէ նրանց մասնակցությունը, և հավանաբար պատճառներից մեկը դա է, որ «Ծառուկյան» դաշինքը չի մասնակցում ավագանու ընտրություններին:
Հարցազրույցն ամբողջությամբ՝ տեսանյութում: