Գիտնականները վերլուծել են 9-10 տարեկան 4500 երեխաների տվյալներ: Մասնակիցները պատմել են, թե որքան են դիտում հեռուստացույց, օգտվում համակարգչից և խաղերից, հայտնում է gogetnews.info-ն:
Մասնագետները գնահատել են մի շարք նյութափոխանակության և սիրտ-անոթային ռիսկի գործոններ, ներառյալ՝ արյան մեջ գլյուկոզայի մակարդակը և ինսուլինի նկատմամբ զգայունակությունը:
Հետազոտությունները ցույց են տվել, որ երեխաների 18%-ը օրական ավելի քան երեք ժամ անցկացնում են էկրանների առջև:
Գիտնականները պարզել են, որ երեխաները որոնք օրական երեք ժամից ավել անցկացնում են էկրանների առջև, հակված են եղել շաքարախտի:
Այդպիսի երեխաների մոտ արյան մեջ շաքարի ու ճարպերի մակարդակը, բորբոքային մարկերները, ինսուլինի դիմադրության աստիճանը և արյան ճնշումը ավելի բարձր է եղել համեմատած նրանց, ովքեր օրական էկրանների առջև անցկացնում են մեկ ժամ կամ ավելի քիչ:
