Մինսկը և Թբիլիսին ընդգծում են տարածաշրջանային անվտանգության հանգուցային հարցերի շուրջ կառուցողական համագործակցություն հաստատելու իրենց ձգտումը: Այս մասին սվում է Բելառուսի և Վրաստանի նախագահներ Ալեքսանդր Լուկաշենկոյի և Գեորգի Մարգվելաշվիլիի համատեղ հայտարարության մեջ: Այդ փաստաթուղթը, որը մարտի 1-ին ստորագրվել Է Մինսկում, ամփոփում Է երկու ղեկավարների հանդիպման արդյունքները:
«Կողմերը, նշելով աճող մարտահրավերներ և սպառնալիքները, դրանց բացասական ազդեցությունը աշխարհի ու տարածաշրջանի իրադրության վրա, հավաստում են միջազգային կազմակերպությունների շրջանակներում գլոբալ և տարածաշրջանային անվտանգության հանգուցային հարցերի շուրջ կառուցողական փոխգործակցության ձգտումը»,- ասված Է հայտարարության մեջ:
Կողմերը հայտարարության մեջ նաև նշել են, որ պայմանավորվել են միջազգային ասպարեզում միմյանց այն նախաձեռնություններին աջակցելու շուրջ, որոնք համապատասխանում են պետությունների արտաքին քաղաքական շահերին: Նախագահների ներկայությամբ բելառուսա-վրացական միջկառավարական համաձայնագրեր են ստորագրվել օդային հաղորդակցության մասին, ինչպես նաև ներդրումների իրականացմանն ու փոխադարձ պաշտպանությանը աջակցելու մասին:
