Իրանական IRNA լրատվական գործակալության փոխանցմամբ՝ Իրանի կառավարությունը միջոցներ է հատկացրել Բուշեհրի ատոմակայանի երկու նոր էներգաբլոկի կառուցման համար («Բուշեհր-2» ատոմակայան):
Այդ մասին հայտարարել է Իրանի ատոմային էներգետիկայի կազմակերպության ղեկավարի տեղակալ Բեհրուզ Քամալվանդին: Նա չի մանրամասնել, թե որքան գումարի մասին է խոսքը և փոխարենը հայտնել է, որ Իրանի նախագահ Հասան Ռոհանին հավանության է արժանացրել «Բուշեհր-2»-ի նախագիծը.
«Մենք պատրաստվում ենք մոտ ժամանակներս սահմանել հիմնարկեքի արարողության ժամկետ»:
Ռուսաստանի էներգետիկայի նախարար Ալեքսանդր Նովակը 2015 թվականի նոյեմբերին հայտնել էր, որ «Բուշեհր 2»-ի կառուցումը գնահատվում է գրեթե 11 միլիարդ դոլար: