«Ընդդիմությունը միշտ անտեսել է տեղական ինքնակառավարման մարմինների ընտրությունները և դրա պատճառով նաև համապետական ընտրություններին բավականին վատ արդյունք է գրանցել և չունենալով կառույցներ, չունենալով տեղում ներկայացվածություն՝ չի կարողացել ձայները վերահսկել և իր ասելիքը հասցնել ընտրողին, և դրանից հետո բողոքել է, որ իրենց չեն ընտրել»,- այս մասին «Առաջին լրատվական»- ի հետ զրույցում ասաց «Քաղաքացիական պայմանագիր» կուսակցության վարչության անդամ Ալեն Սիմոնյանը՝ հավելելով, որ ՏԻՄ ընտրությունները շատ կարևոր են, և ՔՊ-ն անպայման մասնակցելու է:
«Մեր քաղքականությունը հետևյալն է. ՀՀ-ում պետք է լինի մեկ ընդդիմություն, որպեսզի ընտրողը ընտրություն կատարի իշխանության և ընդդիմության միջև: Մենք հավակնում ենք լինել ոչ թե միակ, այլ մեկ ընդդիմություն: Մենք համարվում ենք համար մեկ ընդդիմությունը, որովհետև երբևիցե պայմանավորվածություն չենք ունեցել իշխանության հետ»,- ընգծեց ՔՊ վարչության անդամ Ալեն Սիմոնյանը և առաջարկեց. «Մնացած կուսակցությունները թող միաձուլվեն մեզ»:
«Քաղաքացիական պայմանագիր»- ը առաջիկայում՝ սեպտեմբերի 10-ին իր առաջին հանրահավաքը կանցկացնի, որտեղ անդրադարձ կլինի ՏԻՄ ընտրություններին և կուսակցության անելիքներին:
Մանրամասները՝ տեսանյութում:
