«Այս ճգնաժամային օրերին բավական կարևոր է քաղաքացում տեղեկատվություն ստանալու իրավունքը և շատ կարևոև է, որ այս պրոցոսում լրատվամիջոցների կողմից որոշակի սառնասրտություն դրսևորվի, քանի որ ցանկացած տեղեկություն իր մեջ կարող է որոշակի պրոպագանդա պարունակի»,-«Առաջին լրատվական»-ի հետ զրույցում կարծիք հայտնեց «Լրագրողներ հանուն ապագայի» ՀԿ նախագահ Սուրեն Դեհերյանը։ Վերջինս այս օրերին կարևորեց պաշտոնական տեղեկատվության դերը, քանի որ դեպքերի առաջին օրը մենք ականատես էինք լինում, որ տեղեկատվական բլոկ էր իշխանական լրատվամիջոցների կողմից։ Քաղաքացին չէր ստանում այն տեղեկությունը, որը զարգանում էր Խորենացի փողոցում։ Դեհերյանը ուշադրություն հրավիրեց նաև զինված խմբի անդամներին տրվող որակումների վրա, քանի որ մի շարո հեռուստաընկերություններ առաջին օրերին նրանց որակում էր որպես ահաբեկիչ։
«Ստեղծված իրավիճակն իրոք աննախադեպ էր նաև այն առումով, որ զինված խումբը մամուլի ասուլիս կազմակերպեց և լրագրողներին թույլ տվեց մուտք գործել ՊՊԾ գնդի տարածք։ Եվ ես լսել եմ, որ պետական կառույցների կողմից է հավատարմագրում կազմակերպվել և ընտրվել այն լրագրողների ցանկը, ովքեր պետք է ներս գնային։ Իսկապես աննախադեպ իրավիճակ է, այլ բան չեմ կարող ասել»,-նկատեց Դեհերյանը։
Վերջինիս խոսքով, եթե նախնական պայմանավորվածության համաձայն ՊՊԾ գնդի տարածքից ուղիղի հեռարձակում ապահովեր, ապա դա չէր լիցքաթափի իրավիճակը։ «Ուղիղ եթերը, միացված տեսախցիկները, հակառակը, լարում են վիճակը և լրացուցիչ լարվածություն են ստեղծում։ Հավանաբար դրա կարիքը չկար»,-նկատեց Դեհերյանը։
Ինչ վերաբերում է զինված խմբի անդամների կապի միջոցներից զրկելուն, ապա մեր զրուցակցի խոսքով կապի միջոցներից զրկելը, ծայրահեղ քայլերը ծայրահեղ քայլեր են ծնում, քանի որ միջազգային մի քանի օրինակներ կան, երբ զինված խմբին, ահաբեկիչներին զրկել են կապի միջոցներից, որը սարսափելի հետևանքների է հանգեցրել։
Առավել մանրամասն՝ տեսանյութում