«Այդ ինչպե՞ս է լինում, որ մարդը ստանում է պաշտոն, և մի տարի հետո նրա զոքանչը, որ Արաբկիրի շուկայում գազար էր վաճառում, դառնում է միլիոնատեր: Երբ որ ասում են՝ մենք պետք է կեղծ հայտարարագրերի դեմ պայքար մղենք, ես այդքան էլ չեմ հասկանում, որովհետև մեր բոլոր միլիոնատեր և միլիարդատեր բարձրաստիճան պաշտոնյաները, որոնք, որքան ուսումնասիրել եմ նրանց կենսագրությունը, ո՛չ Մանթաշովի թոռներն են եղել, ո՛չ Ռոկֆելլերի «պրյամոյ» ժառանգներն ենո՛չ գանձ են գտել, ո՛չ էլ ժառանգություն են սատցել, բայց չգիտես ինչու, նրանք բոլորը և նրանց բոլորի բաջանաղները, քենիները և հատկապես զոքանչները միլիոնատեր են, պարզվում է, մեր միլիոնատեր պաշտոնյաները հատուկ վստահություն ունեն իրենց զոքանչների հանդեպ և իրենց ունեցվածքի գերակշիռ մասը ձևակերպում են զոքանչների անունով, հիմա դա ո՞նց է կարգավորվելու: Անկեղծ ասած, ես մի քիչ դժվար եմ պատկերացնում, թե ինչպես ենք ապացուցելու՝ մարդն անօրինական է հարստացել, թե չէ: Բերում են հայտարարագիր, որում ամեն ինչ օրինական է, իրենք էլ պատրաստ են «պապայի արև» երդվել»,- այս մասին այսօր ԱԺ նիստում ասաց ԲՀԿ խմբակցության ղեկավար Նաիրա Զոհրաբյանը՝ անդրադարձավ Կառավարության հայտարարած կոռուպցիայի դեմ, իր բնորոշմամբ, «սրբազան» պայքարին:
Նա նշեց՝ արդեն հատել ենք թույլատրելիի և անթույլատրելիի կարմիր գիծը՝ այս ամենը անլրջացնելու համար, և կոչ արեց այնպես անել, որ կատարողականի հաշվետվությունները չվերածվեն հաշվապահական հաշվառման գործընթացների, և երբ որ ոլորտի պատասխանատուն չի ներկայանում հաշվետվություն ներկայացնելու, դուրս գան դահլիճից:
Մանրամասները՝ տեսանյութում: