Վրացական Apsny.ge-ի փոխանցմամբ` ուժեղ անձրևները, որոնք այսօր սպասվում են Վրաստանի տարածքում, կարող են հանգեցնել ջրամբարներում ջրի մակարդակի կտրուկ բարձրացման, հայտարարել է Շրջակա միջավայրի ազգային գործակալությունը:
Ըստ տեղեկությունների` ապրիլի 29-ին ուժեղ անձրևների հետևանքով Վրաստանի արևելյան Ղվարելի շրջանում Ֆաթմասուրի գետում ջրի մակարդակը բարձրացել է: Արդյունքում՝ Գավազի գյուղում հեղեղվել են մոտ 30 տուն և բակ:
Ջրի մակարդակի բարձրացում կրկին սպասվում է Արևելյան Վրաստանի գետերում: Գործակալության տվյալներով՝ ուժեղ անձրևները չեն դադարի մինչև մայիսի 1-ը, որից հետո սպասվում է իրադրության բարելավում: