Georgia Online-ի փոխանցմամբ՝ Վրաստանի էներգետիկայի նախարար Կախա Կալաձեն «Կվիրիս Պալիտրա» թերթին տված հարցազրույցում խոսել է «Գազպրոմի» հետ բանակցությունների մասին՝ ընդգծելով, որ իր համար անսպասելի է եղել, որ «Գազպրոմը» բարձրացրել է դրամական փոխհատուցման հարցը (մինչ այդ Վրաստանը Ռուսաստանից Հայաստանի գազի տարանցման համար ստացել է այդ գազի 10 տոկոսը):
«Ինչպես հայտնի է, մենք ամեն տարի պայմանագիր ենք ձևակերպում «Գազպրոմի» հետ։ Ինձ համար անսպասելի էր, երբ «Գազպրոմը» սկսեց բարձրացրել դրամական փոխհատուցման հարցը։ Նրանք նաև հայտարարեցին, որ ցանկանում են մեծացնել իրանական գազի մատակարարումները Հայաստանին, սակայն դա շահավետ չէ Վրաստանին։
Բնականաբար, դա կմեծացնի «Գազպրոմի» ծախսերը, և նա հարկադրված կլինի կատարել զգալի ներդրումներ, որպեսզի Հայաստանի պահանջարկն ամբողջովին բավարարի Իրանի միջոցով։ Տեսնենք, թե ինչպես կզարգանան իրադարձությունները, ինչի շուրջ կպայմանավորվենք»,- նշել է Կալաձեն։