ՎիվաՍել ՄՏՍ-ի գլխավոր տնօրեն Ռալֆ Յիրիկյանը «Առաջին լրատվական»-ի հետ զրույցում նշեց. «Չորրորդ սերնդի ծածկույթի ցանցը նոր է սկսել կառուցվել, այսօր արդեն բավական տեղերում այն կա, և ավելացնում ենք նոր կայաններ, այն կմտնի շուկա նույն տեմպով, ինչպես երրորդ սերնդի ծածկույթը՝ 2008-ին:
Հինգերորդ սերնդի ուղղությամբ աշխատանքները դեռևս քննարկման փուլում են, փորձարկումներ են տեղ ունենում լաբորատորիաներում»:
«Գլոբալ տնտեսական ճգնաժամը անդրադառնում է մեր տնտեսության վրա, և այսօրվա դրությամբ՝ ՏՀՏ ոլորտը, գլոբալ առումով, անկում է ապրում, դա զգալի է նաև մեր երկրում ,- նշեց մեր զրուցակիցը,- պետք է կատարվեն համապատասխան ուսումնասիրություններ և գործողություններ, որպեսզի սահմանափակենք ճգնաժամի ազդեցությունը և կարողանանք ապահովել համապատասխան աճ և զարգացում»:
